Transmetuar më 02-09-2022, 12:18

Ai i njohur si Triton DeepView 100/24 do të jetë në gjendje të çojë 24 persona në një thellësi prej 100 metrash, në mënyrë që ata të shijojnë mrekullitë e shtratit të detit. Nëndetëset Triton, me origjinë spanjolle, filluan të operojnë në Barcelonë në vitin 2017, me idenë për të ofruar një shërbim zhytjeje për banuesit në Mesdhe, por kjo ide shpejt u përshkallëzua në nivele shumë më të mëdha.

Gjithçka filloi me Triton 36.000/2 DSV Limiting Factor, zhytësja e parë e certifikuar komercialisht për të punuar në çdo thellësi dhe me të cilën Victor Vescovo theu rekordin botëror më 2019, duke zbritur në pikën më të thellë të Hendekut Mariana.

Ky sukses i madh bëri që kompania "të vinte bast" për nëndetëset, me idenë për ta bërë atë për turizëm. Kompania e përpunimit GUTMAR ose kompania e saldimit S4e ishin çelësi i këtij procesi, me DNV-GL që kontrollonte të gjithë procesin e projektimit dhe ndërtimit, duke filluar testet e tyre të para në "Port Forum".

Tani, projekti ka hyrë në fazën e fundit, kërkimin e pilotëve që mund të trajtojnë nëndetësen deri në 100 metra thellësi. Ideja është të bëhet udhëtimi i parë në ishullin "Hon Tre", në fund të këtij viti.

"Është e jashtëzakonshme të jesh në gjendje të aplikosh teknologjinë e zhvilluar për të arritur pikën më të thellë të planetit tonë, për të rikrijuar nëndetëset turistike dhe për të hapur fundin e detit për publikun e gjerë, në një mënyrë plotësisht të respektueshme dhe të qëndrueshme", – shpjegoi Hector Salvador, drejtor i nëndetëseve "Triton EMEA".

"Triton DeepView 100/24 përfaqëson një hap kuantik në teknologjinë nënujore, duke e lejuar atë të ofrojë një përvojë unike dhe plotësisht zhytëse për pasagjerët", – shtoi Bruce Jones, bashkëthemelues dhe CEO i "Triton Submarines LLC".

"Është një mjet superior në të gjitha aspektet ndaj pothuajse 60 nëndetëseve turistike që kanë qenë në funksion në 34 vitet e fundit. Është një platformë shumë e gjithanshme, me modele që mund të strehojë nga 6 deri në 66 pasagjerë, duke iu përshtatur nevojave të veçanta.

Një udhëtim në ‘DeepView’ është mënyra më e mirë për të njohur shtratin e detit nga dora e parë dhe për të kuptuar më në fund rëndësinë e mbrojtjes së oqeaneve tona", – përfundoi ai.