Ish-mesfushori i Juventusit, Claudio Marchisio, foli për "Rai Sport" mbi krizën që po kalojnë bardhezinjtë në fillim të sezonit, duke shfaqur njëfarë shqetësimi për atë që po ndodh në Torino:

“Problemi nuk është se Juve humbet, sepse në futboll edhe mund të humbisni. Por nëse humbisni kundër Monza pa gjuajtur asnjëherë në portë, kjo tregon se ka një shkëputje midis ekipit, trajnerit dhe klubit.

Mund ta shihni edhe nga deklaratat. Me një skuadër të rëndësishme edhe me 10 lojtarë mund të luash mirë, por kjo Juve nuk është ajo e emrit të madh. Pastaj janë problemet e Vlahovic, Di Maria… Vlahovic nuk është rritur që kur ka ardhur te Juventusi".

Për shkarkimin e mundshëm të Allegrit, Marchisio është shprehur me këto fjalë: "Tani nuk jam te Juve, shpresoj ta zgjidhin situatën me njëri-tjetrin. Kampionati është me dy faza, nuk do ta prisja pushimin për të ndryshuar trajner.

Momente të vështira kanë pasur të gjithë, ka ndodhur të zënë vendin e shtatë, por nuk kam dëgjuar kurrë të thonë se jemi vërtet të shqetësuar, siç tha Bonucci para kamerave. Tani ndryshimi është i vështirë, pasi është e vështirë të gjesh dikë që mund të mbërrijë si zëvendësues”.