Me atë rast, Mauro Icardi fluturoi nga Parisi në Milano për të rregulluar gjërat me Wanda Nara, por ylli televiziv tani ka njoftuar se gjërat kanë mbaruar. Në një postim në Instagram, bukuroshja argjentinase i është përgjigjur një ndjekësi, që e provokonte se kur është martuar me Icardin: “Ishim nëntë vjeç”.

Wanda, e cila është pjesë e jurisë së një emisioni të njohur televiziv në Argjentinë, më pas e vazhdoi atë me një postim më të gjatë, por refuzoi të zbulonte arsyen e ndarjes.

Ajo ka shkruar: “Është shumë e dhimbshme për mua ta jetoj këtë moment. Por duke pasur parasysh ekspozimin tim dhe gjërat që po kaloj, si dhe spekulimet mediatike, është e preferueshme që njerëzit të mësojnë për këtë nga unë.

Nuk kam asgjë më shumë për të sqaruar dhe nuk do të jap asnjë lloj detaji për këtë ndarje. Ju lutem, ju kërkoj të më mirëkuptoni jo vetëm për mua, por edhe për fëmijët tanë”.

Ndërsa Wanda ndodhet në Argjentinë, Icardi po luan në një klub të ri, pasi iu bashkua Galatasaray si huazim nga Paris Saint-Germain. Si rezultat, ata nuk kanë qenë në gjendje ta shohin njëri-tjetrin dhe kjo ngjalli pretendime se kishte një tendosje në marrëdhënien e tyre.

Por Icardi u kundërpërgjigj, duke ndarë një mesazh që mori nga Wanda në llogarinë e tij në Instagram, ku shkruhej: “Dua të të përqafoj, por je larg”. Ai e vazhdoi sqarimin me një postim të tij, duke shkruar: "Natën e mirë, do të fle me një mesazh kaq të bukur nga gruaja ime. Të dua, kanë mbetur vetëm pak ditë…"

Icardi gjithashtu e mohoi ndarjen kur u pyet nga një fans, edhe pse kjo ishte përpara njoftimit të bujshëm të Wanda. Ai kishte thënë: "Siç më kanë pyetur një mijë herë tashmë, le ta sqarojmë që në fillim… Jo, nuk jemi ndarë.

Ajo është duke e mbaruar këtë angazhim pune që mori në Argjentinë dhe pas pak ditësh do të kthehet në shtëpi. Mua dhe fëmijëve na mungon shumë. Natyrisht që thashethemet dhe emisionet shesin gënjeshtra, sidomos mbi dy personazhe publike si ne”.