Transmetuar më 25-09-2022, 15:14

Ditën e sotme në rubrikën “N’trotuar” në “E Diell” u diskutua rreth fenomenit të ikjes në Londër me gomone. Kohët e fundit edhe mediat britanike u kanë kushtuar shkrime të shumta shqiptarëve që rrezikojnë jetën, duke ikur në Mbretërinë e Bashkuar me gomone.

I ftuar në studio ishte moderatori Ronaldo Sharka, i cili bëri disa deklarata të forta, që nuk u pritën mirë nga disa të tjerë.

“Duam apo nuk duam, realiteti është se jetojmë në një botë dhe kohë materialiste, që për mendimin tim ka të mirat dhe të këqijat e veta.

Dhe unë jam i sigurt 100 për qind se paraja blen lumturinë. Pse e them unë këtë? Sepse çunat shqiptarë duke jetuar në Shqipëri, duke ndenjur aty te lagja, ku shohin që ajo vajza e bukur nuk ia var, kur shohin një tjetër me makinë të shtrenjtë dhe nuk e blejnë dot, çfarë bëjnë?

Zgjedhin të pasurohen në mënyrë të menjëhershme. Unë jam i sigurt që në mënyrë të ngadalshme, me një rrogë në muaj, në Shqipëri nuk mund të pasurohesh kurrë.

E unë them shyqyr që janë çunat e Londrës, sepse është një ministri e mirëfilltë financash në Shqipëri që sjell lëvizje të paparë leku.

Po të mos ishin çunat e Londrës, e para njëherë pjeshkat e Instagramit nuk do ekzistonin.

Unë punoj në TV dhe janë rrogat më të mira se disa të tjerëve. Unë nuk i paguaj dot dhomat në Dhërmi, kush i paguan? Çunat e Londrës”, tha moderatori i njohur.