Të nderuar lexues, ky është horoskopi javor i Paolo Fox, me parashikimet zodiakale nga 26 dhjetor 2022 deri më 1 janar 2023 për të gjitha shenjat. Le ta zbulojmë së bashku me leximin e yjeve të astrologut të dashur, përkthyer ekskluzivisht nga noa.al.
Horoskopi javor për Dashin nga Paolo Fox
Tre yje për Dashin. Dashuria nuk po shkon mirë, edhe për faktin se Afërdita ka disa javë që është në dizavantazh me të lindurit e shenjës tuaj. Ndoshta keni një pëlqim për një person të largët, por për vetë këtë fakt, pra distancën, duhet të përpiqeni të mos mendoni kaq shumë për të dhe ta mbyllni vitin me nota të larta optimizmi. Në punë duhet të filloni të harroni të shkuarën dhe duhet të ecni përpara. E ndërkohë ka nga ata që presin rinovimin e kontratës!
Demi
Pesë yje për Demin. Dashuria premton për mirë, situatat që krijohen tani janë të favorshme dhe mbi të gjitha të shtunën yjet do të jenë në anën tuaj. E pra, çfarë prisni, takime të këndshme po shfaqen në horizont. Në punë fundi i vitit është interesant dhe duket se po ia nisni nga e para. Me pak fjalë, duhet të vazhdoni kështu!
Horoskopi i Binjakëve
Katër yje për shenjën e Binjakëve. E keni kapërcyer periudhën e vështirë për ndjenjat dhe tani duhet të përpiqeni të ecni përpara. Megjithatë, bëjeni këtë pa rënë në provokime: dhe për më tepër duhet të besoni pak më shumë. Në punë, duhet të filloni të vlerësoni situatën: ndoshta jeni duke pritur për një rimbursim, një telefonatë. Dhe së shpejti gjithçka prisni mund të vijë!
Horoskopi i Gaforres
Tre yje për Gaforren. Në dashuri, ndoshta dikush ju ka tradhtuar besimin dhe së fundmi jeni pak të lodhur, të shqetësuar. Megjithatë, së shpejti gjithçka do të zgjidhet. Në punë keni ndërmend të merrni diçka më shumë: keni dhënë shumë, ndoshta keni marrë pak. Por duhet ta prisni me besim vitin e ri, atë që po vjen!
Horoskopi i Luanit
Katër yje për shenjën e Luanit. Jupiteri është në anën tuaj, takimet janë të preferuara dhe nuk mund të kërkoni asgjë më të mirë. Njohjet e reja janë interesante, ndaj duhet të ecni përpara – nuk mund të izoloheni. Në punë, yjet premtojnë për mirë, por përpiquni të mos jeni shumë shpatarak dhe t’ju mbysë shpirti i iniciativës: ndonjëherë duhet të dëgjoni pak më shumë!
Horoskopi i Virgjëreshës
Katër yje për Virgjëreshën. Muaji i vështirë për ndjenjat ka kaluar, yjet janë në anën tuaj dhe tashmë dikush që është larguar do të mund të afrohet sërish. Nuk mungojnë emocionet, por nxis se duhet të takoni njerëz të rinj. Në punë duhet të keni kujdes sepse tashmë disa projekte mund të rifillojnë. Dhe janari do të fillojë me fazën e rikuperimit të gjërave sidomos për ata që kanë një biznes të vetin!
Horoskopi i shenjës së Peshores
Tre yje për shenjën e Peshores. Kjo periudhë për fushën e ndjenjave është paksa e çuditshme, ndonjëherë jeni shumë kritikë ndaj vetes dhe ndaj të tjerëve. Dhe problemi që pason është se zhgënjimet janë afër. Mundohuni të qartësoni zemrën tuaj, pa marrë vendime të diktuara nga nxitimi. Në punë do të ketë lajme: çdo gjë mund të ndryshojë në çdo moment!
Horoskopi i Akrepit
Katër yje për Akrepin. Takimet favorizohen në dashuri, por nuk keni pse të fantazoni shumë. Ndonjëherë krijoni pritshmëri të mëdha, mendoni se të gjithë janë si ju, por e keni gabim. Kujdes nga marrëdhëniet me të lindurit në shenjat e Luanit dhe Ujorit. Në punë, kushtojini vëmendje situatës financiare dhe vëzhgoni mosmarrëveshjet që janë ende të hapura. Deri në pranverën e vitit 2023 do të duhet të zgjidhni gjithçka!
Horoskopi i Shigjetarit
Katër yje për shenjën e Shigjetarit. Në dashuri disa diskutime janë të mundshme, por duhet të vazhdoni lidhjen. Nga ana tjetër, keni dëshirë të kompensoni kohën e humbur dhe për disa, sfidat do të jenë favorite. Muaji janar do jetë shumë intrigues për ju. Në punë do të ketë angazhime mes janarit dhe shkurtit. Jupiteri është në anën tuaj, do të duhet të filloni projekte të reja!
Horoskopi i Bricjapit
Pesë yje për Bricjapin. Dielli, Hëna, Mërkuri dhe Venusi janë në anën tuaj, kështu që dashuria po lulëzon. Por përpiquni të mos vini bast për njerëzit që janë të martuar ose për disa që jetojnë larg, duhet të distancoheni nga komplikimet dhe polemikat. Në punë, propozimet e mira, për disa kanë mbërritur tashmë. Faza e rikuperimit sapo ka filluar!
Parashikimi për Ujorin
Katër yje për Ujorin. Afërdita në janar do të jetë në anën tuaj, ndaj duhet të mendoni dhe të fokusoheni te dashuria. Mundohuni të mos dekurajoheni, vazhdoni dhe kënaquni edhe me marrëdhëniet me kohë të pjesshme. Në punë Hëna do të jetë në anën tuaj dhe intuita e mirë nuk do mungojë. Me pak fjalë, duhet të fusni veten në lojë. Dhe bëjeni tani!
Horoskopi i Peshqve
Pesë yje për Peshqit. Takimet janë të preferuara, duhet ta lini veten të hidheni drejt aventurave të reja. Dhe pa u menduar dy herë. Njohjet e reja janë gjithashtu të rëndësishme edhe në punë. Përpiquni të mendoni për të ardhmen dhe vitin 2023: Janari është plot të reja pozitive dhe do të ndjeni kënaqësi të madhe. Por ju i meritoni të gjitha! /noa.al
Horoskopi 2023 nga Paolo Fox: Cilat janë shenjat me fat dhe çfarë ju pret në dashuri dhe punë
Horoskopi i festave dhe Viti i Ri 2023 nga Simon & The Stars: parashikimet shenjë pas shenje
