Konflikti i radhës në “Shihemi në Gjyq” nga “E Diela Shqiptare” në Tv Klan ka në qendër një çift.

Liria dhe Dhimitri investuan në një biznes me kursimet e tyre të emigrimit, i cili falimentoi. Më pas në një hapësirë toke vendosën të ndërtonin një bar-restorant. Në secilin prej aktiviteteve të tyre, ata kanë patur gjithashtu si ortak vëllain e Dhimitrit, Spiron i cili është i vetmi që rezulton në dokumentacione.

Pra si Liria, ashtu edhe bashkëshortja e Spiros nuk figurojnë si kontribuese edhe pse kanë punuar. Ndërkohë, Dhimitri ka ndihmuar edhe në ndërtimin e shtëpisë së vëllait duke lënë si kolateral në bankë banesën e vet. Dhimitri ka humbur shtëpinë e tij për shkak se nuk mundi ta shlyente kredinë.

Sot çifti është në konflikt për shkak të parave që vëllai i Dhimitrit iu detyrohet sepse Liria i kërkon, ndërsa bashkëshorti i saj thotë se do ta presë të vëllain sa të jetë e nevojshme.

Dhimitri: Banesën e kisha… e shita me qëllim që të ndërtoja lokalin të vazhdoja se më ngeli vëllai, trysnia e vëllait, trysni nga familja, unë i papunë, ngela u bëra…

Eni Çobani: Po pra, ky biznes pra u vu përsëri me lekët tuaja.

Dhimitri: Me lekët e mia.

Eni Çobani: Po pra, këtë po thotë edhe zonja. Po ju bëj vetëm një pyetje… borxhet tuaja sot i nderuar, vazhdoni t’i paguani?

Liri: Po, vazhdon.

Eni Çobani: Ku i gjeni të ardhurat për të paguar borxhet?

Liri: Me pensionin e Dhimitrit, ne rrimë te kalamajtë, hamë, pimë te kalamajtë. Bravo i qoftë atij dhe tani thotë do e shikosh ti. Do ta shikosh ti zotëri se unë nuk të ndaj ty pa marrë lekët se emri jonë nuk figuron në asnjë…por s’të ndaj.

Dhimitri: Nuk ka shanse moj, merr vesh apo jo?!

Liri: Po, po, po shko atje shko.

Dhimitri: O ç’ke për të hequr prej meje, mendërisht, mendërisht!

Liri: Unë nuk të hiqem se unë s’të ndaj derisa të marr djersën e fëmijëve!

Dhimitri: Opingën e Sheros do marrësh, të jesh e bindur! Vëllait ia fal, të gjithëve ua fal, ty s’ti jap më!

Dhimitri: E di kush është qëllimi im që ia kërkoj me firmë atij? Se ai e ka pranuar që do t’i jap dhe ka filluar të grumbullojë paratë. Qëllimi im që ia kërkoj me firmë sepse gjendja ime shëndetësore më këputi në mes, është që nesër kur fëmijët e mi që nuk peshojnë dot sa peshoj unë të më vriten, të më rrojë pasuria, të më rrojnë paratë mua po s’i bie kjo këtij lapsi! Gjykoj shumë larg unë dhe unë dua ta zgjidh ndryshe këtë punë, dua ta zgjidh me mirëkuptim dhe kisha bindje që do vinte me patjetër. Jo këtu, atje në zyrë vetëm për vetëm.

Eni Çobani: Do vijë? Jeni i bindur?

Dhimitri: E kam besimin.

Eni Çobani: Unë sikundër kam njoftuar çdo rast do njoftoj edhe këtë rast që në qoftë se zoti Spiro vjen për ta zgjidhur privatisht, jam më e lumtur edhe se ju, edhe se zonja Liri që ju të merrni atë që ai ju detyrohet.

Dhimitri: Do pranojë.

Eni Çobani: Jo do pranojë por nuk të vjen. Ne e kemi telefonuar disa herë, të lutem. Zonja Liri, çfarë i kërkon përfundimisht këtij zotërisë?

Liri: Këtij zotërisë unë i kërkoj të më kthejë shtëpinë se nuk kam vilë, një dhomë e një kuzhinë, të më kthejë edhe lekët që kam punuar me gjithë fëmijët dhe zotëria si të ketë qejfin pastaj. Dakord?

Dhimitri: Do të ta jap shtëpinë, do të të jap dhe paratë e hakut dhe do të të uroj mos gjen ndonjë burrë më të mirë nëse do se s’më gjete mua tamam! Hajde kaq