Transmetuar më 05-02-2024, 10:50

Banesa e një muzikanti të ri në Petralonë të Greqisë, ka rënë pre e vjedhjes. Por duket se këtë herë, hajdutët nuk kanë dashur të marrin vetëm sende me vlerë, por edhe të bëjnë një dush dhe të qethen.

I riu është shokuar kur ka parë shtëpinë e tij të kthyer përmbys, ndërsa kur shkoi në tualet, kuptoi gjithçka, hajdutët kishin përfituar të bënin edhe një dush.

“A lahen dhe rruhen hajdutët në shtëpinë tuaj”?- shkroi ai në “TikTok”.

Ai tha gjithashtu, se hajdutët i kanë marrë disa pajisje që ai përdor në muzikën e tij, me vlerë qindra euro.

Bashkohu me kanalin e NOA WhatsApp për lajmet më të fundit direkt në celularin tënd