Transmetuar më 19-02-2024, 11:21

Një 57-vjeçar është shpallur në kërkim pasi akuzohet se gjatë natës ka djegur lokalin dhe dy automjete në pronësi të Pjetër Gjonocaj 62 vjeç.

Ernest Çuni, rreth orës 00:15 në fshatin Kalivaç të Lezhës ka djegur me benzinë lokalin dhe dy automjete e parkuara pranë. Policia po punon për kapjen e tij dhe po heton nëse ka persona të tjerë të përfshirë në ngjarje.

Policia ka arritur të identifikojë brenda pak orësh autorin dhe vijon punën për kapjen e tij.

“Pas njoftimit se rreth orës 00:15, në fshatin Kalivaç, Lezhë, ishin djegur me lëndë djegëse (benzinë), lokali dhe 2 automjete të parkuara në afërsi të lokalit, në pronësi të shtetasit P. Gj., 62 vjeç, specialistët për Hetimin e Krimeve të Komisariatit të Policisë Lezhë kanë organizuar menjëherë punën për të identifikuar autorin/ët dhe për të zbardhur rrethanat e rastit.

Si rezultat i veprimeve të shpejta hetimore dhe procedurale të kryera në vendin e ngjarjes, brenda pak orësh, u bë i mundur identifikimi i autorit të dyshuar të rastit, shtetasit E. C., 57 vjeç, banues në Lezhë. Vijon intensivisht puna për kapjen e 57-vjeçarit, për identifikimin dhe arrestimin e shtetasve të tjerë që mund të jenë përfshirë në këtë rast, si dhe për dokumentimin me prova ligjore të rrethanave. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.”, thuhet në njoftimin e policisë.

Bashkohu me kanalin e NOA WhatsApp për lajmet më të fundit direkt në celularin tënd