Transmetuar më 20-02-2024, 18:56

Turqi- Kryeministri, Edi Rama gjatë vizitës së tij në Turqi ka nënshkruar marrëveshje me presidentin turk, Erdogan. Rama ndodhet ditën e sotme në Turqi me disa anëtarë të kabinetit qeveritar ku kanë firmosur disa marrëveshje me Erdogan.

Mes dy vendeve janë nënshkruar disa marrëveshje, që kanë të bëjnë me fushën e mjedisit, marrëveshje për menaxhimin e qëndrueshëm të pyjeve dhe zonave të mbrojtura, marrëveshje ushtarake ndërmjet Këshillit të Ministrave të Republikës së Shqipërisë dhe Qeverisë së Republikës së Turqisë, marrëveshje dhe Memorandume të firmosura sot në kuadër të forcimit të mëtejshëm të bashkëpunimit mes Shqipërisë dhe Turqisë etj.

Marrëveshje e firmosura

1. Memorandum Mirëkuptimi ndërmjet Ministrisë së Turizmit dhe Mjedisit të Republikës së Shqipërisë dhe Ministrisë së Mjedisit, Urbanizimit dhe Ndryshimeve -Klimatike të Republikës së Turqisë për bashkëpunim ne fushën e mjedisit.

2. Memorandum Mirëkuptimi ndërmjet Ministrisë së Turizmit dhe Mjedisit të Republikës së Shqipërisë dhe Ministrisë së Bujqësisë dhe Pyjeve të Republikës së Turqisë për menaxhimin e qëndrueshëm të pyjeve dhe zonave të mbrojtura.

3. Marrëveshje ndërmjet KM të RSH dhe Qeverisë së Republikës së Turqisë mbi statusin e zyrës së koordinimit të programit TIKA Tirana.

4. Marrëveshje kuadër ushtarake ndërmjet Këshillit të Ministrave të Republikës së Shqipërisë dhe Qeverisë së Republikës së Turqisë.

5. Memorandum Mirëkuptimi ndërmjet Qeverisë së RSH dhe Qeverisë së Republikës së Turqisë në Fushat e Medias dhe Komunikimit për komunikimin dhe informimin publik.

6. Protokoll Bashkëpunimi midis Korporatës Turke të Radio Televizionit dhe Radio Televizionit Shqiptar.

Bashkohu me kanalin e NOA WhatsApp për lajmet më të fundit direkt në celularin tënd