Transmetuar më 23-02-2024, 10:28

Një ngjarje e rëndë ka tronditur sot opinionin e gjërë publik.

Hygerta Meta 19 vjeçe, vrau me armë zjarri dhe groposi babain e saj në oborrin e shtëpisë në Shënavlash të Durrësit.

Policia më 17 shkurt zbuloi makinën e viktimës të parkuar në në aksin rrugor Shënavlash-Sektor Rinia, ku nga veprimet hetimore, zbuluan se Meta nuk ishte zhdukur, por ishte vrarë dhe varrosur në oborrin e shtëpisë nga vajza e tij Hygerta Meta, e cila është nën prangat e policisë.

Ajo ka deklaruar se e vrau të atin, pasi ai dëshironte ta fejonte pa dëshirën e saj.

Familja përbëhet nga pesë pjesëtarë, tre fëmijët dy djem dhe vajza, 50-vjeçari dhe gruaja e tij, të cilët jetonin në fshatin Shënavlash.

Një nga djemtë ka bërë denoncim se babai ka humbur dhe policia ka nisur hetimet dhe kontrollet, ku kanë gjetur fillimisht makinën e të ndjerit të parkuar në aksin Shënavlash-Parku Rinia, që ishte shumë larg nga banesa e tij.

Policia kishte dyshime se kishte të bënte me një ngjarje kriminale dhe nisi marrjen në pyetje të gjithë familjes dhe ajo që ka treguar ngjarjen ka qenë vajza 19-vjeçare, e cila pasi është marrë disa herë në pyetje ka treguar se ajo ka vrarë babanë e saj, sepse donte ta fejonte pa dëshirë dhe kishin pasur konflikte edhe më parë.

Sipas dëshmisë së saj ajo ka deklaruar se e ka vrarë babanë pranë banesës në kasolle, me një pistoletë për të cilën ajo pretendon se e mbante i ati, pasi ky i fundit punonte si roje nate.

E bija në dëshmi deklaron se pasi e ka vrarë me armë zjarri, e ka varrosur të atin po në kasolle.

Policia po vijon hetimet për të zbardhur plotësisht ngjarjen, sepse dyshon se mund të ketë edhe bashkëpunëtorë.

Është bërë zhvarrosja e trupit të 50-vjeçarit dhe nga kqyrja paraprake, është vërejtur që e kishin lidhur me litar para se ta varrosnin.

Sipas informacioneve, dyshohet se në dijeni të krimit kanë qenë dhe familjarë të tjerë, të cilët mund të kenë ndihmuar në fshehjen e krimit, përmes varrosjes së 50-vjeçarit në oborrin e shtëpisë.

Bashkohu me kanalin e NOA WhatsApp për lajmet më të fundit direkt në celularin tënd