Agjencia ndërkombëtare prestigjioze “Standard & Poor’s” ka vlerësuar së fundi ekonominë e Shqipërisë të qëndrueshme me notën B+. Sipas agjencisë, Shqipëria ka ende potenciale për të vijuar rritjen e ekonomisë së saj. Ndërkohë, që nënvizohet fakti se rritja e ekonomisë mund të vijë sidomos nëpërmjet vazhdimit të procesit të reformave. Kjo është hera e tretë rresht Brenda 6 muajve që agjencia “Standard & Poor’s” vlerëson me notën B+ ekonominë shqiptare, që do të thotë e qëndrueshme.

Në vlerësimin e mëparshëm në muajin Mars të këtij viti, “S&P” duke analizuar situatën ekonomike te rajonit dhe me gjere, nënvizoi faktin se ndryshe nga vendet e rajonit, Shqipëria ka demonstruar një rritje te qëndrueshme ekonomike ne nivelin e 4% ne vitet e fundit. Agjencia vlerësoi veçanërisht potencialin e ekonomisë shqiptare për te pasur rritje te qëndrueshme dhe te larte ne vitet ne vijim, konsolidimin e vazhdueshëm fiskal me uljen ne nivelin e 3%-shit te deficitit, si dhe seriozitetin e qeverise për te mbajtur nen kontroll dhe ulur gradualisht nivelin e borxhit publik.

“S&P” ka vlerësuar edhe qëndrueshmërinë e sektorit bankar si likuid, i mirekapitalizuar dhe me rritje te vazhdueshme te depozitave. Lidhur me te ardhmen europiane te vendit, agjencia në vlerësimin e muajit Mars çmoi potencialin e Shqipërisë për te marre se afërmi statusin e vendit kandidat, faktor qe nëse kombinohet me uljen e raportit te borxhit ndaj prodhimit te brendshëm, si dhe me zbutjen e risqeve te jashtme financiare, mund te sjellin rritjen ne një nivel me te larte te vlerësimit te riskut Sovran te Shqipërisë.