Montenotte, 30 qershor 2012, NOA- Kishte kërkuar numrin e telefonit të së fejuarës së një bashkëkombasi të tij shqiptar, dhe kur ky i fundit e mori vesh atëherë kërkoi sqarim.

Dy rivalët në dashuri u takuan por nga një bisedë, situata mes tyre degjeneroi në dhunë, pasi i fejuari i vajzës u sulmua barbarisht nga pretendenti i saj, raporton noa.al.

Djali që nuk u mjaftua me bezdisjen e vajzës, 22 vjeçari i identifikuar si Lahim Leka qëlloi barbarisht të fejuarin e vajzës që ai pëlqente, djalin me iniciale E.B duke i shkaktuar fraktura të ndryshme dhe një në zonën e syrit e cila i mjegulloi shikimin.

Ngjarja në fjalë ndodhi në Montenotte të Italisë ku protagonistët e konfliktit ishin emigrant.

Menjëherë pas kësaj ngjarje policia vuri në pranga Lahim Lekën, i cili u dënua me 1 vit e 6 muaj burg si dhe gjobë prej 8 mijë euro.

a.y/noa.al