Vlerësimin se kush shkon për pushime në Greqi nuk përballet me asnjë rrezik, ndërsa në të njëjtën kohë ndihmon ata që nuk kanë asnjë përgjegjësi për krizën, “banorët e ishujve, për shembull në Ciklade dhe në Kretë”, thekson gazeta prestigjoze austriake Die Presse, në një suplement prej tri faqesh me format të madh, kushtuar ishujve grekë Sifnos, Kretë, Santorini dhe Mykonos.

Gazeta më tej vë në dukje se, praktikisht, nuk ka asnjë arsye që dikush mos të kalojë pushimet në Greqi, pasi, edhe sikur të ketë protesta dhe demonstrata, ato realizohen vetëm në qytetet e mëdhenj si Athina dhe Selaniku.

Ndërsa në ishujt, që përbëjnë destinacionet klasike turistike në Greqi, do të domonojë edhe sivjet, ashtu si dhe vitet e tjerë, qetësi.

Që prej shumë vitesh Greqia mban një nga vendet e para, madje dhe vendin e parë në preferencat e turistëve austriakë si destinacion për pushimet e tyre; mesatarisht 500.000 austriakë vizitojnë çdo vit Greqinë.

Në raport me numrin e popullsisë, 8,4 milionë, Austria ndodhet në vendin e parë sa i përket vendeve të prejardhjes së turistëve, ndërkohë austriakët janë edhe “më besnikët”, pasi e vizitojnë sërish e sërish Greqinë.