Gjirokastër, 11 korrik 2012, NOA – Një 24-vjeçar ka humbur jetën dhe dy persona të tjerë janë plagosur sot në një aksident automobilistik në Gjirokastër.

Ngjarja ka ndodhur rreth orës 06:00 të mëngjesit në vendin e quajtur Terihat. Aksidenti ka ndodhur kur një xhip me targa greke ZKY 4154 është përplasur me një kamion me targa SR 7256 B.

Përplasja ka qenë fatale për drejtuesin e foristradës, Kostandin Mboqe 24 vjeç. Të plagosur kanë mbetur pasagjerët që ndodheshin në makinë, bashkëshortja e viktimës Elda Gjergji 24 vjeç dhe kushëriri i saj Kristo Billo 23 vjeç.

Dy të plagosurit janë jashtë rrezikut për jetën, pas ndihmës që kanë marrë në spitalin e Gjirokastrës. Ndërkohë policia po vijon hetimet për zbardhjen e plotë të ngjarjes.

a.k/noa.al