Durrës, 12 korrik 2012, NOA – Në rrethrrotullimin e Shkozetit, në Durrës pranë një karburanti është zbuluar një pako që dyshohet të jetë celular bombë, raporton noa.al.

Telefoni i mbështjellë që dyshohet të jetë me eksploziv, është gjetur mesditën e të enjtes nga punëtorët e karburantit.

Forca të shumta të policisë së qytetit bregdetar kanë rrethuar tërë zonën, ndërkohë pritet që ekspertët xhenierë të çaktivizojnë bombën.

Edhe pse u gjet pranë karburantit, nuk është zbuluar ende se cili është objektivi për vendosjen e kësaj bombe me celular, e cila kishte një fije në mbështjellje që pritej të aktivizohej përmes një telefoni tjetër.

Policia po heton për ngjarjen, e cila ka tronditur banorët e lagjes 14 në Shkozet, në dalje të qytetit të Durrësit. Vijon...

mit/noa.al