Prishtinë, 2 gusht 2012, NOA- Ministri i Jashtëm i Kosovës, Enver Hoxhaj, i ka dërguar një telegram urimi Ministrit të Jashtëm të Maqedonisë, Nikola Poposki, me rastin e shënimit të 2 Gushtit, Ditës së Republikës së Maqedonisë.

Në letër, Ministri Hoxhaj, në emër të qytetarëve dhe Qeverisë së Republikës së Kosovës ka uruar popullin dhe institucionet e shtetit fqinj, për këtë festë shtetërore.

Hoxhaj po ashtu ka theksuar se marrëdhëniet e mira ndërmjet dy vendeve, të karakterizuara nga bashkëpunimi dhe mbështetja reciproke në shumë fusha, duke shprehur vullnetin e institucioneve të Kosovës për thellimin e mëtutjeshëm të marrëdhënieve miqësore dhe bashkëpunimit bilateral ndërmjet dy vendeve.

“Ne besojmë se marrëdhëniet e miqësisë dhe bashkëpunimit ndërmjet dy shteteve dhe dy popujve tanë do të thellohen më tutje”, thuhet ndër të tjera, në letrën e Ministrit Hoxhaj.

a.y/noa.al