Me rastin e 100 vjetorit të shtetit shqiptar dhe 75 vjetorit të vdekjes se Mjedës, një qendër muzeore dhe shtatore për poetin

Njëqindvjetori i lindjes së Ndre Mjedës dhe i pavarësisë së shtetit shqiptar kanë bërë bashkë studiues të Qendrës së Studimeve Albanologjike në një aktivitet kushtuar Ndre Mjedës të mbajtur në Kukël, në Shkodër.

Ditën e mërkurë është mbajtur një konferencë shkencore në sallën e konferencave të Komunës Bushat. Fjala e hapjes u mbajt nga drejtori i QSA, Prof. Dr. Ardian Marashi. Pas fjalës së mirëseardhjes nga kryetari i Komunës Bushat, Zef Hila, refereuan Prof. Dr. Zeqirja Neziri, Universiteti i Shkupit: "Malli romantik i Mjedës", Dr. Elinda Ramadani, Universiteti i Shkodrës: “Krijimtaria letrare për fëmijë e Ndre Mjedës”, Prof. as. dr. Mark Marku, Universiteti i Tiranës: “Esencializmi në poezinë e Mjedës”, Prof. as. dr. Begzad Baliu, Universiteti i Prishtinës: ”Rilindja e Mjedës, kërkime në kolanën përgatitur nga Mentor Quku”. Veç të tjerëve mbajtën fjalën e tyre edhe akademik as. Gjovalin Shkurtaj, Tiranë: “Përbashkësia e gjuhës si dëshmi e njësisë së kombit shqiptar në veprat e Mjedës”, prof. dr. Klara Kodra, QSA: “Veçoritë gjinore te veprës se Mjedës", Dr. Tonin Çobani, Tiranë: “Poema “Lissus”, leximi”.

Në seancën e dytë të drejtuar nga Zeqirja Neziri, Gjovalin Shkurtaj, Begzad Baliu referuan: Prof. dr. Alfred Çapaliku, Universiteti i Shkodrës: “Kuartet”, Prof. dr. Shefkije Islamaj, IA Prishtinë: “Mjeda - mjeshtër i gjuhës”, Prof. Asoc. dr. Mustaf Ibrahimi, UEJL Tetovë: "Frazeologjizmat në veprat e Ndre Mjedës", Prof. as. dr. Mimoza Priku, Universiteti i Shkodrës: ”Probleme gjuhësore morfologjike të trajtuara nga Ndre Mjeda”, Dr. Dom Nikë Ukgjini, Instituti Filozofik Teologjik i Shkodrës: “Nga ardhja e Dom Ndre Mjedës në Kukël tek Qendra Muzeologjike”. Mentor Quku, Shkodër: "Mjeda - misionar i Rilindjes", MA. Brikena Smajli, (QSA): "Vështrim krahasues në mes të “La vida es sueno” e Calderon de la Barca-s dhe “Andrra e jetes” të Ndre Mjedës”.

Pardje në kuadër të aktivitetit është promovuar qendra muzeore “Ndre Mjeda” në Kukël. Për këtë është mbajtur ceremonia e bekimit të qendrës nga Kryeipeshkvi i Shkodrës, Imzot Angelo Massafra. Më pas është organizuar një vizitë në Muzeun “Ndre Mjeda”. Krahas fjalëve të tjera është mbajtur fjala e rastit edhe nga drejtori i Qendrës Muzeore “Ndre Mjeda”, Dom Nikë Ukgjini dhe është përuruar shtatorja e Mjedës nga Dom Nikë Ukgjini, Zef Bala (donatori) dhe Ardian Marashi. Për të ka folur edhe autori i shtatores së Mjedës, Sadik Spahiu dhe është ndarë çmimi “Ndre Mjeda” për vitin 2012. Për të pranishmit është shfaqur një program artistik me artistë nga Shkodra, Mirdita dhe zona e Bushatit dhe ka pasur veprimtari shoqëruese si, panairi i librit, i veshjeve dhe i prodhimeve të vendit.