Transmetuar më 29-09-2017, 12:40
Trajneri i kombëtares shqiptare te futbollit Christian Panucci ka publikuar këtë të premte listën e lojtarëve që do të grumbullojë për ndeshjen me Spanjën më 6 tetor dhe atë me Italinë, më 9 tetor.
Bëhet fjalë për 26 lojtarë, të cilët do të jenë të gatshëm për të zbarkuar në fushë.
Vihet re edhe rikthimi i futbollistëve Taulant Xhaka, Sokol Cikalleshi dhe Ermir Lenjani, të cilët rikthehen sërish me fanellën kuqezi.
Një tjetër risi është edhe thirrja në kombëtare e futbollistit Emanuele Ndoji, i cili aktualisht luan me skuadrën italiane të Brescia.
Në tabelën që shikoni në fotografi, mund të gjeni të 26 lojtarët e aktivizuar. /a.y/noa.al