Transmetuar më 22-10-2017, 14:57

Vranësira dhe shira dominojnë pjesën më të madhe të territorit shqiptar ku sasi më të konsiderueshme pritet të bien në zonat veriore dhe Qendrore.

Mesdita pakëson reshjet në Jug por në zonat veriore dhe Qendrore shirat mbeten të konsiderueshëm. Vonë gjatë pasdites reshjet shtohen në Qendër dhe Veri duke sjellë dëborë në ekstremin verior dhe zonat e thella Verilindore.

Në mbrëmje shirat zhvendosen drejt Jugut ku pritet dëborë e pakët në Lindje dhe Juglindje të vendit.

Temperaturat e ajrit mbeten thuajse konstante në mëngjes por një rënie me 5 – 6°C do të ketë në vlerat termike të mesditës duke bërë që maksimumi në rang vendi të zbresë në 19-20°C.

Sipas MeteoAlb, era do fryjë mesatare deri e fortë me shpejtësi mbi 50 km/h nga drejtimi verior – veriperëndimor duke gjeneruar në det dallgëzim 4 – 5 ballë.

Europa

Lindja dhe Juglindja e kontinentit përfshihen nga reshje të dendura shiu e dëbore, kryesisht gadishulli Ballkanik. Po ashtu, Britania dhe Europa Perëndimore si edhe një vendet e Balltikut mbeten me vranësira dhe reshje të herë pas hershme.

Ndërsa gadishulli Iberik dhe Europa Verilindore duke përfshirë pjesën më të madhe të vendeve Nordike dominohen kryesisht nga kthjellimet. /b.l/noa.al/