Transmetuar më 30-12-2017, 21:43
Një predikues turk thotë se burrat duhet të rrisin mjekrën për të mos u ngatërruar me gratë.
“Mjekra është njëra nga dy pjesët e trupit të burrit që e dallon atë nga gratë”, deklaroi Murat Bayaral për një televizion fetar në Turqi.
Sipas TCH, ai thotë se meshkujt pa mjekër mund të “keqkuptohen nga meshkujt e tjerë”.
“Për shembull, nëse sheh një burrë me flokë të gjata nga larg, mendon se është grua nëse nuk ka mjekër, sepse sot, burrat dhe gratë vishen njësoj dhe Zoti mos e dhëntë, mund të të kalojnë mendime të pahijshme nëpër kokë”, vijoi ai.
Kjo deklaratë e predikuesit turk shkaktoi fillimisht reagim në rrjetet sociale në Turqi e prej andej tejkaloi kufijtë duke u përhapur në gjithë botën.