Presidenti amerikan, Donald Trump, ka kërcënuar se do të zvogëlojë në miliarda dollarë buxhetin për ndihma në Pakistan, duke akuzuar Islamabadin se është strehë e sigurt për ekstremistët.
Në postimin e tij të parë në Twitter për vitin 2018, presidenti Trump ka thënë se Shtetet e Bashkuara në mënyrë “të pamend” i kanë dhënë Pakistanit më shumë se 33 miliardë dollarë si ndihma në 15 vitet e fundit” dhe “ata nuk na kanë dhënë asgjë përveç gënjeshtrave dhe mashtrimeve, duke konsideruar liderët tanë si budallenj”.
“Ata u sigurojnë streha të sigurta terroristëve të cilët ne i ndjekim në Afganistan. Jo më!”, ka shtuar ai.
The United States has foolishly given Pakistan more than 33 billion dollars in aid over the last 15 years, and they have given us nothing but lies & deceit, thinking of our leaders as fools. They give safe haven to the terrorists we hunt in Afghanistan, with little help. No more!
— Donald J. Trump (@realDonaldTrump) January 1, 2018
Nuk është bërë e qartë se pse Trump ka vendosur të dërgojë këtë mesazh tek Pakistani, mirëpo në të kaluarën ai ka akuzuar Islamabadin për “mbështetje të agjentëve të kaosit” dhe ka kërkuar nga Pakistani të veprojë kundër rrjetit të talibanëve.
Sakaq ka ardhur reagimi nga Islamabadi zyrtar.
Ministri i Jashtëm i Pakistanit, Khawaja Asif, iu përgjigj edhe ai në Tëitter, presidentit Trump:
“Ne do t’i përgjigjemi shumë shpejt, dashtë Zoti, Presidentit Tramp. Do t’i bëjmë të njohur botës, të vërtetën dhe diferencën mes fakteve dhe gënjeshtrave”, – shkroi ai.
We will respond to President Trump's tweet shortly inshallah…Will let the world know the truth..difference between facts & fiction..
— Khawaja M. Asif (@KhawajaMAsif) January 1, 2018
***
Pas një takimi në mes të presidentit afgan, Ashraf Ghani dhe shefit ekzekutiv, Abdullah Abdullah me nënpresidentin amerikan, Mike Pence në dhjetor të vitit të kaluar, ky i fundit kishte drejtuar deklarata të ashpra drejt Islamabadit, duke thënë se Pakistani ka mundur të fitojë shumë nga bashkëpunimi me Shtetet e Bashkuara dhe ka shumë se çfarë të humbas nëse strehon “kriminelë dhe terroristë”.
“Presidenti Trump është duke vëzhguar Pakistanin”, pati thënë Pence në atë kohë.