Ish-ministri i Drejtësisë Gazmend Bardhi ka debatuar ashpër me moderatorin e emisionit “Opinion”, Blendi Fevziun.

Fevziu i është drejtuar Bardhit duke i thënë, “Mos më bëj lojëra mua këtu”, pasi ky i fundit ka thënë se nuk kishte shkuar në emision, për të përcaktuar se kush janë mafiozët.

“Ti nuk je gjykatë zoti Bardhi, mos fol në emër të gjykatës. Mos më bëj lojëra mua këtu”,- i është drejtuar Fevziu, ish-ministrit.

Kurse Bardhi i është përgjigjur duke thënë se ajo që ka vendosur PD-ja është t’u thotë stop abuzimeve me paratë e shqiptarëve.

Propozimi i PD-së për ligjin antimafia parashikon sekuestrimin e pasurive të bizneseve që kanë përfituar tendera dhe PPP në mënyrë të paligjshme sipas tyre nga qeveria Rama./a.k/noa.al/