Gjykata ka marrë vendimin për autorin e dyshuar për vrasjen e trefishtë në Mat, ku tre persona humbën jetën dhe një tjetër mbeti i plagosur.
“Arrest me burg” u vendos për 51-vjeçarin Kujtim Koxha, i cili do të qëndrojë në qeli në vijim të hetimeve.
Sakaq ai ka pranuar në gjykatë fajësinë, si dhe nuk ka shprehur pendesë. Ndërkohë në seancën e sotme nuk kishte asnjë familjar të tij.
Madje gjatë marrjes në pyetje ai është shprehur në polici se e kishte kryer krimin për të vendosur dinjitetin e tij para banorëve të tjerë, për shkak të një shpulle nga punonjësit e bashkisë në mes të fshatit.
Krimi ndodhi mesditën e enjtes që lamë në fshatin Shëlli të Matit, dhe gjithçka duket se ka nisur për një shpullë. Punonjësit e bashkisë së Matit, ishin duke punuar për shtrimin e rrugës së fshatit, kur Kujtim Koxha, u konfliktua me ta.
Rezulton se gjithçka ka nisur rreth orës 12.30, kur Koxha ka qenë në lokalin e fshatit dhe aty kanë ardhur punonjësit e bashkisë për të ngrënë drekë.
Në një moment ai është drejtuar drejt tyre dhe më konkretisht drejt Erzen Aliaj, duke i kërkuar llogari se pse nuk e shtrojnë rrugën deri afër shtëpisë së tij, por shtrojnë vetëm një pjesë.
Pas debateve ku pretendon se e kanë qëlluar me shpullë, ai ka shkuar në banesë, ku ka marrë një automatik, dhe ka shkrepur armën me breshëri, drejt punonjësve të bashkisë.
Më tej ai u fsheh në pyllin e fshatit Burgajet, ku pas afro një ore u vu në prangat e policisë, ku 40 efektivë zbritën në terren.
Nga të shtënat gjeti vdekjen e menjëhershme 36-vjeçari Mentor Hoxha, shofer fadrome me banim në fshatin Burgajet, dhe u plagosën rëndë punonjësi tjetër Erzen Aliaj 49 vjeç, banues në Burrel dhe Hamit Buçi 43 vjeç shofer kamioni, banor i fshatit Shëlli, të cilët gjetën vdekjen pak më vonë në spital.
Sakaq i plagosur rëndë vijon të jetë në spital, 40-vjeçari Astrit Hani, banor i fshatit Burgajet. /a.y/noa.al
Masakra me 3 të vrarë në Mat, i mbijetuari tregon si ndodhi ngjarja
Tre të vrarë për një shpullë, si nisi konflikti që përfundoi me masakër në Mat