Dalin detaje të reja lidhur me personin që humbi jetën mesnatën e lënë pas, teksa mjeti i tij u përshi nga flakët.
Policia thotë se në lagjen nr.1, u gjet i djegur mjeti tip “Benz”, me targa AA 911 HJ, në pronësi të shtetasit Gjergji Babu, 39 vjeç.
Nga veprimet e para hetimore, rezulton se 39-vjeçari ka marrë një sasi lënde djegëse benzinë, në një bidon plastik, në një nga karburantet e qytetit.
Më tej dhe dyshohet se i ka vënë flakën vetes brenda mjetit, ku për pasojë janë djegur plotësisht mjeti dhe vetë ai.
Në vendngjarje, mbërritën shërbimet e policisë dhe zjarrfikësja, ku është bërë e mundur shuarja e zjarrit.
Sakaq për veprime të mëtejshme lidhur me këtë ngjarje, materialet iu referuan Prokurorisë së Korçës për veprën penale “Shkaktim i vetëvrasjes”. /a.y/noa.al