Ertugrul po përgatitet të nisë transmetimin e sezonit të 5-të në Turqi.

Ekipi i produksionit ka vendosur të bëjë ndryshime të mëdha në kastin e aktorëve dhe në ngjarjet, të cilat sipas medias turke janë zhvendosur 10 vite më vonë.

Tvklan.al, shkruan se edhe në trailerin e sezonit të 5-të që do të nisë transmetimin së shpejti në TRT 1 shihet qartë plakja e aktorit kryesor Ertugrul.

Seriali i cili në Shqipëri transmetohet nga Klan Plus, është futur kështu në një fazë tranzitore nga Ertugrul për tek i biri, Osman Gazi.

Në trailerin e publikuar së fundmi po ashtu vihet re futja në skenë e aktores së re, Hande Soral e cila pritet të dashurohet me Ertugrulin pas vdekjes së Halimesë.

Në një intervistë për gazetën “Vatan”, koordinatori i TRT 1, Kurtuluş Zeydan, tha se në sezonin e ri Ertugrul do të dashurohet me një vajzë të re.

“Duhet që Ertugrul të bie në dashuri gjatë sezonit të ri. Ai do të dashurohet me vajzën e armikut të tij më të madh”, tha Zeydan.