Skuadra e Juventusit ka arritur të dalë fituese në transfertën përballë Manchester United duke fituar me rezultatin 1-0.
Goli për bardhezinjtë në ndeshjen e vlefshme për fazën e grupeve në Ligën e Kampioneve, u shënua nga Paulo Dybala në minutën e 17′, duke vulosur edhe rezultatin përfundimtar.
Një natë e veçantë ishte kjo për Cristiano Ronaldon, i cili u rikthye përsëri të luajë në "Old Trafford", por këtë herë si kundërshtar.
Me këtë fitore Juventus ka treguar se është kundërshtar i fortë për këdo në këtë sezon të evenimentit të madh europian.
Nga ana tjetër Real Madridi arriti të fitojë përballë çekëve të Viktoria Plzen me rezultatin e ngushtë 2-1.
Roma gjithashtu triumfoi përballë rusëve të CSKA, duke fituar thellë me rezultatin 3-0.
Gjithashtu Manchester City fitoi me të njëjtin rezultat përballë ukrainasve të Shakjtor Donjetsk në transfertë.
Fitore mori edhe Ajax përballë Benficës me rezultatin minimal 1-0.
Hoffenheim dhe Lyon ndanë nga një pikë në barazimin me shumë gola, 3-3./a.k/noa.al/