Një i dënuar ka ndërruar jetë në burgun e Beratit, teksa ishte duke vuajtur dënimin.

Viktima është B.K., 51 vjeç, i cili ka gjetur vdekjen gjatë kësaj të hëne.

51-vjeçari me banim në fshatin Zhiton të Beratit, u gjet në gjendje të rënduar në qeli.

Ai u dërgua për mjekim në Tiranë, ku dhe ndërroi jetë.

Aktualisht pritet akti i ekspertimit për të përcaktuar shkakun e vdekjes.

Sakaq për ndjekje të mëtejshme lidhur me këtë rast, materialet iu referuan Prokurorisë së Tiranës. /a.y/noa.al