Transmetuar më 10-02-2019, 12:11

Ky është horoskopi javor nga 11 deri në 17 shkurt 2019 që Noa.al sjell për ju. Njihuni me parashikimin për punën, shëndetin dhe ndjenjat, si do të ecë dita për të lindurit e çdo shenje.

Dashi

Të lindurit e kësaj shenje do të jenë të mbushur me energji dhe gati për të dhënë gjithçka për të realizuar objektivat e tyre. Ndikimi i Marsit, do të dhurojë një të enjte të bukur, ku do të keni mundësi të shumta të cilat nuk duhet ti lini që t’iu ikin. Mjaft e favorshme do të jetë edhe e mërkura. Kujdes duhet të tregoni në fundjavë, ku prej ndikimit të Hënës dhe Venusit, parashikohen debate të ashpra në raportin në çift.

Demi

Duke nisur nga e enjtja, ndikimi i Marsit në shenjë do të dhurojë më shumë forcë dhe energji, për të arritur atë që dëshironi. Në vendin e punës do ju duhet të kaloni disa vështirësi, sidomos në raportin me shefin dhe kolegët. Sa i takon sferës sentimentale, parashikohen kënaqësi të mëdha. Ndikimi i favorshëm i Venusit, do të dhurojë pasion të madh në raportin në çift.

Binjakët

Të dashur binjakë, kjo është një javë mjaft me fat për të lindurit e kësaj shenje. Mund të mbështeteni në ndikimin e favorshëm të Marsit dhe Mërkurit, të cilët do ju japin shtysë lidhur me një projekt të ri! Ky është momenti i duhur. Ditët më me fat do të jenë e mërkura dhe e enjtja. Mos u druani të guxoni dhe mos u tërhiqni! Do të shkëlqeni kudo.

Gaforrja

Gjatë kësaj jave, Venusi do të ketë ndikim të kundërt në shenjën tuaj, ku rrezikoni që të keni mosmarrëveshje të forta me partnerin/en. Mundohuni të kuptoni nëse bëhet fjalë për një problem të brendshëm në çift apo për shkak të situatave të jashtme. Fatmirësisht Hëna do të ketë një ndikim të favorshëm, ku e premtja dhe e shtuna parashikon përmirësim të ndjeshëm.

Luani

Ndikimi i kundërt i Mërkurit, kërkon që të gjeni aleatë të vlefshëm. Bëni mirë që ti besoni instinktit dhe kështu nuk do të gaboni. E hëna dhe e marta, do të jenë dy ditë të mbushura me tension dhe nervozizëm. Fatmirësisht do keni mundësi që të shijoni një të diel fantastike, në sajë të ndikimit të Hënës, ku do të argëtoheni dhe relaksoheni pa fund.

Virgjëresha

Kjo javë do të nisë mirë, ku e hëna dhe e marta do të jenë shumë të favorshme dhe të mbushura me të reja të rëndësishme. Nga ana tjetër Venusi do ju dhurojë qetësinë e dëshiruar sentimentale. Duke nisur nga e enjtja, mund të mbështeteni në ndikimin e favorshëm të Marsit, i cili do ju dhurojë energjinë për të cilën keni nevojë. E mërkura do të jetë një ditë e mbushur me nervozizëm, për shkak të ndikimit të Hënës.

Peshorja

Më në fund do arrini që ti shpëtoni ndikimit të kundërt të Marsit. Duke nisur nga e enjtja, ky planet do të zhduket, duke bërë që të lindurit e kësaj shenje të jenë të relaksuar dhe plotë energji. Mes të mërkurës dhe të enjtes, mund të merrni një lajm të mirë që ka të bëjë me punën. Sa i takon fushës së ndjenjave, nuk do të mungojnë tensionet me njeriun tuaj të zemrës.

Akrepi

Për fat të keq gjatë kësaj jave, Marsi do të ketë ndikim të kundërt në këtë shenjë. Do të ndiheni më të lodhur se zakonisht, pa energji dhe me mungesë dëshire për të vepruar. Nuk do të mungojnë pengesat as në sferën profesionale, për shkak të ndikimit të kundërt të Mërkurit, shkruan noa.al. Ditët më të vështira do të jenë e hëna dhe e marta, për shkak se Hëna do të ketë ndikim negativ. Përmirësimi do të vijë vetëm në fundjavë.

Shigjetari

Gjatë kësaj jave duhet të tregoni kujdes veçanërisht gjatë së mërkurës dhe të enjtes, kur Hëna do të ketë ndikim negativ në shenjën tuaj. Takime interesante parashikohen vetëm në fundjavë. Për ata që janë vetëm, parashikohet diçka premtuese.

Bricjapi

Dashuria ecën më së miri dhe më në fund do të ndiheni të relaksuar dhe në harmoni të plotë në raportin në çift. Duke nisur nga e enjtja, Marsi do të ketë ndikim të favorshëm në rikuperimin e energjive. Kujdes duhet të tregoni gjatë së premtes dhe të shtunës, kur Hëna do të ketë ndikim aspak të favorshëm dhe mund t’iu bëjë ndonjë shaka aspak të këndshme.

Ujori

Gjatë kësaj periudhe nuk do ju mungojnë mundësitë! Këshillohet që të kapni fluturimthi çdo variant që do ju propozohet. Edhe në dashuri, nuk do të mungojnë takimet interesante, të cilat premtojnë të zgjasin dhe të dhurojnë emocione të forta. Dita e diel do jetë më negativja për të lindurit e kësaj shenje, për shkak të ndikimit të kundërt të Hënës.

Peshqit

Do të vijojë për ju një periudhë e mbushur me qetësi sa i takon sferës sentimentale. Duke nisur nga e enjtja, planeti Mars bashkë me Venusin, do ju dhurojnë pozitivitet dhe energji. Gjatë ditës së hënë dhe të martë, mund të mbështeteni në ndikimin e favorshëm të Hënës, e cila do ju dhurojë një surprizë të bukur. Mes të mërkurës dhe të enjtes, parashikohet një situatë aspak e këndshme. /a.y/noa.al