Transmetuar më 11-02-2019, 11:07
Edhe këtë vit Shën Valentini do të vijë ndryshe në Tiranë. Kjo pasi, Bashkia e Tiranës ka menduar që të sjellë diçka të veçantë për ditën e të dashuruarve.
Krahas aktiviteteve të shumta në zona të ndryshme të Tiranës, ku sërish Parku i Madh i Liqenit do jetë qendra e organizimeve, Bashkia e Tiranës është zbukuruar edhe vet me simbolin e kësaj dite, zemrat e kuqe.
Fotot janë marrë nga pamja që ofron sot Bashkia e Tiranës, ku dhjetëra zemra të kuqe janë vendosur në një nga hyrjet e godinës.
Në Këtë mënyrë përcillet një atmosferë festive për qytetarët.
Kjo ka tërhequr interesin e qytetarëve të shumtë, të të gjitha moshave, të cilët e kanë kthyer atë në një vend ideal për të patur foto si kujtim për këtë ditë.