Kryetari i Komisionit Parlamentar të Ekonomisë, deputeti socialist Arben Ahmetaj ka përgatitur një ndryshim të ri në ligjin për Tatimin mbi Vlerën e Shtuar duke kërkuar që TVSH për median në internet të jetë në masën 6%.
“Përmes këtij projektligji, propozohet që shkalla e reduktuar e tatimit mbi vlerën e shtuar 6%, e cila aplikohet për furnizimin e shërbimit të reklamave nga media audiovizive, të aplikohet edhe për ofruesit e shërbimit të publikimeve elektronike,” shkruhet në propozimin që u publikua në faqen e internetit të Kuvendit të Shqipërisë.
“Ky propozim do të mundësojë një trajtim të barabartë dhe jodiskriminues midis ofruesve të shërbimeve audiovizive dhe elektronike,” shkruhet më tej në propozim.
Nëntorin e kaluar, me propozim të Ministrisë së Financave, Kuvendi i Shqipërisë ndryshoi thuajse të gjitha ligjet tatimore të vendit, ku ndryshimet më të debatuara u zhvilluan larg vëmendjes së publikut në ligjin për Tatimin mbi Vlerën e Shtuar.
Propozimi i Ahmetajt për të ndryshuar një ligj që ai vetë ndihmoi të formulohej vetëm tre muaj më parë, vjen pasi mediat online u gjendën në pasiguri tatimore në fillim të këtij viti pikërisht për shkak se më parë, media konsiderohej e përjashtuar nga TVSH ndërsa në ndihmë të disa televizioneve, qeveria vendosi TVSH në masën 6% për mediat audiovizuale. Kjo do të thotë se televizionet që do të blejnë pajisje për efekt të procesit të dixhitalizimit, do të mund të zbresin nga llogaria e tyre TVSH-në e paguar në blerje duke pasur efekt pozitiv në bilancet e tyre.
Ndryshimet në ligjin e TVSH-së, të realizuara me kompromis mes Erjon Braçes, në atë kohë kreu i komisionit parlamentar të ekonomisë dhe sot zëvendëskryeministër dhe Arben Ahmetajt në atë kohë, ministër Financash dhe Ekonomie.
“Në mbështetje të neneve 78, 81 pika 1, 83, pika 1, dhe 155, te Kushtetutës, me propozim të një deputeti, Kuvendi i republikës së Shqipërisë vendosi:
Neni 1
Në nenin 49, pika 6, te ligjit nr. 92/2014, "Për tatimin mbi vlerën e shtuar në Republikën e Shqipërisë", të ndryshuar, pas përcaktimit "nga media audiovizive" shtohet përcaktimi "dhe nga ofruesit e shërbimit të publikimeve elektronike".
Neni 2 Ky ligj hyn ne fuqi 15 ditë pas publikimit në Fletoren Zyrtare.
Projektligji "Për një shtesë në ligjin nr. 92/2014, "Për tatimin mbi vlerën e shtuar ne Republikën e Shqipërisë", te ndryshuar, propozon qe shkalla e reduktuar e tatimit mbi vlerën e shtuar 6 %, e cila aplikohet për furnizimin e shërbimit të reklamave nga media audiovizive, të aplikohet edhe për ofruesit e shërbimit të publikimeve elektronike.
Ky propozim do te mundësojë një trajtim të barabartë dhe jodiskriminues midis ofruesve të shërbimeve audiovizive dhe elektronike.
Aktualisht media elektronike dhe ofruesit e shërbimit të publikimeve elektronike që operojnë në tregun mediatik, nuk rregullohen nga ligji nr. 92/2014. Për këtë arsye, ndryshimi i propozuar konsiston, në përfshirjen e furnizimit të shërbimit të ofruesve të shërbimit te publikimeve elektronike, ne skemën e shkalles së reduktuar të tatimit mbi vlerën e shtuar.
Për sa më sipër, projektligji "Për një shtesë në ligjin nr. 92/2014, "Për tatimin mbi vlerën e shtuar ne Republikën e Shqipërisë", të ndryshuar, propozon që shkalla e reduktuar e tatimit mbi vlerën e shtuar 6 %, e cila aplikohet për furnizimin e shërbimit të reklamave nga media audiovizive, të aplikohet edhe për ofruesit e shërbimit të publikimeve elektronike. Ligjit nr. 92/2014 "Për tatimin mbi vlerën e shtuar ne Republikën e Shqiperise" i ndryshuar, neni 53, germa j)", deri në datën 31 dhjetor 2018, i trajtonte si fuqizime të përjashtuara nga TVSH-ja, transaksionet pra furnizimin/ shitjen e shërbimit të reklamave nga media elektronike. ‘ …. Në zbatim te parimeve te vendosura permes ligjit nr. 92/2014 "Per tatimin mbi vleren e shtuar ne Republiken e Shqiperise", subjektet qe kryejnë fuqizime te përjashtuara, nuk mund te zbresin TVSH-ne e paguar ne blerjet brenda vendit dhe ne import, ndryshe nga subjektet qe kryejnë fuqizime te tatueshme dhe zbresin TVSH-ne e paguar ne blerje. TVSH-ja e paguar ne blerjet brenda vendit dhe ne import ne kete rast, është kosto për ofruesit e këtyre shërbimeve. Paketa fiskale e miratuar ne vitin 2018, përmes se cilës u miratuan edhe disa ndryshime ne ligjin nr. 92/2014 "Për tatimin mbi vlerën e shtuar ne Republikën e Shqipërisë", te ndryshuar, pati për qellim nder te tjera, lehtësimin e investimeve ne funksion te digjitalizimit te mediave audiovizive (televizionet). Kështu furnizimi i sherbimit te reklamave nga media audiovizive, nuk do te trajtohet me si nje furnizim i perjashtuar, por si furnizim i tatueshem me shkallen e reduktuar te TVSH-se prej 6 per qind.
Per te mundësuar gjithe sa me siper, projektligji "Per nje shtese ne ligjin nr. 92/2014, "Per tatimin mbi vleren e shtuar ne Republiken e Shqiperise", te ndryshuar, propozon, qe ne nenin 49, pika 6 te ligjit nr. 92/2014 "Per tatimin mbi vleren e shtuar ne Republiken e Shqiperise", te ndryshuar, te shtoje edhe përcaktimin "ofruesit e shërbimit te publikimeve elektronike". Kësisoj, do te kemi trajtim te njëjte ne lidhje me furnizimin e shërbimit te reklamave, si nga media audiovizive ashtu dhe nga ofruesit e shërbimit te publikimeve elektronike.
Ndryshime të panumërta ligjore
Fondi Monetar Ndërkombëtar i ka rekomanduar autoriteteve shqiptare në mënyrë të përsëritur të mos bëjnë ndryshime të shpeshta në regjimin fiskal të vendit në mënyrë që të shmangin krijimin e paqartësive te konsumatorët. Megjithatë, qeveria aktuale shqiptare është një kampione e vërtetë për sa i përket numrit të ligjeve fiskale të ndryshuara përgjatë viteve të fundit.
Ndërsa nëntorin e kaluar u ndryshuan ligjet kryesore fiskale të vendit, në janar Ministria e Financave hodhi për diskutim një ndryshim tjetër në ligjin e procedurave tatimore, ku kërkohej imponimi me detyrim për bizneset e vogla të pasjes së një llogarie bankare. Dhe vetëm tre muaj pas ndryshimeve, ish-Ministri i Financave Arben Ahmetaj, ka propozuar një ndryshim tjetër ligjor të TVSH-së, përmes të cilit kërkon tatimin në masën 6% të TVSH-së për reklamat në median në internet.
Që nga viti 2013, Shqipëria ka ndryshuar ligjin Për Tatimin mbi Vlerën e Shtuar tetë herë dhe propozimi i Ahmetajt përbën ndryshimin e nëntë në pesë vjet. Përgjatë të njëjtës periudhe, ligji Për Tatimin mbi të Ardhurat është ndryshuar dhjetë herë ndërsa ligji për procedurat tatimore është ndryshuar tetë herë. Ligji Për Sistemin e Taksave Vendore është ndryshuar gjashtë herë ndërsa Ligji për Taksat Kombëtare është ndryshuar tetë herë.