Transmetuar më 17-04-2019, 08:07
Foto ilustruese
Dy bankomate janë dëmtuar në orët e para të mëngjesit të sotëm në Durrës.
Ngjarja ka ndodhur rreth orës 04:45 të kësaj të mërkure, në lagjen Nr. 13 , Durrës.
30-vjeçari K.B., banues në lagjen Nr. 13, Durrës, në gjendje të dehur, ka dëmtuar mbrojtësen e dy bankomatëve të bankave të nivelit të dytë.
Gjithashtu i riu ka thyer xhamin e derës së Wester Union, të cilat ndodhen në afërsi të njëra-tjetrës.
Të sinjalizuar për ngjarjen, efektivët e policisë kanë bërë shoqërimin e shtetasit K.B., në ambientet e policisë për veprime të mëtejshme. /a.y/noa.al