Loading...
Iu janë djegur flokët nga boja? Këto janë 3 zgjidhjet që i keni në shtëpi
Transmetuar më 22-04-2019, 08:24

Të gjitha femrat që i kanë lyer flokët të paktën një herë, e dinë se boja i ashpërson ato, e sidomos ngjyrat e çelëta.

Shpesh majat digjen dhe bëhen të pabindura, duke krijuar një stres të vërtetë.

Për të shpëtuar nga ky problem ju sugjerojmë tre zgjidhje të cilat i keni në shtëpi.

Së pari mjafton të përzieni dy kokrra veze me dy lugë vaj ulliri deri sa të bëhet një masë kremoze. Aplikojeni në gjithë gjatësinë e flokut dhe kryesisht në maja dhe mbajeni për afro gjysmë ore. Pas kësaj lajini normalisht dhe do të shihni se flokët tuaj do të jenë tejet të butë.

Edhe uthulla e mollës është mjaft e mirë për flokët, par shkak se i pastron dhe i hidraton. Dy tre lugë uthull molle përziejini me pak ujë dhe më tej hidhini në flokë pasi ti keni larë me shampo. Më tej shpëlajini flokët me ujë të bollshëm, shkruan noa.al.

Edhe kombinimi i avokados me bananen si masë kremozee bashkë me një lugë gjelle vaj ulliri, është maskë ideale për flokët e dëmtuar. Pas aplikimit në flokë, mbajeni për gjysmë orë dhe më tej lëreni për gjysmë ore. /a.y/noa.al

Loading...
Loading...