Transmetuar më 10-06-2019, 23:24

Ish-deputeti i Partisë Demokratike, Oerd Bylykbashi ka akuzuar kryeministrin Edi Rama se po përpiqet që të bëjë grusht shteti.

I ftuar në emisionin “5 pyetje nga Babaramo” është shprehur se Rama ka kapur të gjitha insitucionet, e ndërsa është ndalur të komentojë edhe zhdekretimin e datës së zgjedhjeve nga presidenti Ilir Meta.

Ai është shprehur se “Rama ndodhet në një moment përcëllues” .

“Në një histori përçarëse, s’ka zgjedhje më 30 qershor. Rama nuk ka tagër që të përcaktojë datën e zgjedhjeve. Nuk është akt administrativ i Metës siç Rama pretendon. Moment përcëllues i Edi Ramës, i janë ndërruar balancat. Meta maksimumi mund ta pyes si kryetar partie, jo si kryeminisër për datën e zgjedhjeve. Rama po përpiqet për një grusht shteti”, u shpreh Bylykbashi.