Një 43 vjeçar u gjet i vdekur në Amsterdam-Rijnkanaal në Nigtevecht të premten pasdite.

Viktima është Festin Lato, president i republikës së panjohur të Çamërisë, një rajon në kufi mes Shqipërisë dhe Greqisë, që prej vitesh lufton për pavarësi, raporton De Gelderlander.

Një kalimtar e dalloi trupin e njeriut në ujë rreth orës 5:00 të mëngjesit, të së premtes.

Hetimi ngriti dyshime lidhur me faktin se një burrë shqiptar ishte raportuar i humbur një javë më parë, sipas NOS. Ai dyshohet se është vrarë.

Sipas De Gelderlander, Lato i është shmangur shumë prej borxhlinjve që kishte për një kohë të gjatë. Ai u deklarua personalisht i falimentuar nga gjykata në Zutphen, në prill të këtij viti. Nëse kjo ka të bëjë me vrasjen e tij, kërkohet ë bëhet e qartë nga hetimet.

Gjatë viteve të kaluara, Lato jetonte në një shtëpi të largët në Afferden, në rajonin Maas dhe Waal ndërmjet Nijmegenit dhe Venray. Flamujt e Holandës, Shteteve të Bashkuara dhe Çamërisë vareshin jashtë shtëpisë së tij, sipas Omroep Gelderland. Lato e kishte shpallur veten president të Çamërisë.

Në këtë cilësi ai bëri rregullisht paraqitje publike në Parlamentin Europian dhe Bruksel dhe udhëhoqi shumë demonstrata, kryesisht të përqendruara në pavarësinë e republikës, e cila nuk njihet nga asnjë vend. Ai gjithashtu ai themeloi ekipin e futbollit Çamëria.

Një mik i mirë i Lato konfirmoi vdekjen e tij tek De Gelderlander. Ai i tha gazetës se kohët e fundit e vizitoi atë në Afferden dhe nuk kishte asnjë arsye për të besuar se do t’i ndodhte ndonjë gjë, kur ai të largohej.

Angelo Aliu, kryeministri i vetëshpallur i Republikës së Çamërisë, konfirmoi vdekjen e Lato në Facebook. Ai tha se është i tronditur nga vdekja e tij dhe e quajti atë “një vrasje të motivuar politikisht ndaj një heroi të Çamërisë”.