Kryebashkiaku i ri i Shkodrës i përgjigjet PD-së me dokumente konkrete: Ja çertifikatat e pastërtisë sime
Transmetuar më 10-08-2019, 23:14

Kryebashkiaku i ri i Shkodrës, Valdrin Pjetri ka vijuar replikat me Partinë Demokratike, ndersa së fundmi i është përgjigjur me dokumentet konkrete.

Në përgjigje të akuzave të PD, se shteti italian e ka përzënë në vitin 2002 dhe deri në 2010 nuk ka hyrë më në shtetin fqinj, Pjetri ka publikuar çertifikatat e pastërtisë  së figurës.

Pjetri i ka quajtur akuzat asgjë më shumë sesa dështime disavjeçare të atyre që thjeshtë kërkojnë t’i njollosin emrin.

Në publikimin e tij në Facebook, Pjetri shkruan se “ditë më të mira po vijnë për Shkodrën dhe banorët e saj”.

“Nuk dua të hyj në baltën e PD-së, e cila ka javë që kërkon të njollosë figurën time. Ja ku janë çertifikatat e pastërtisë  së figurës time në shtetin Italian. Të tjerat i’a kam lënë atyre që duan të mbulojnë dështimet e tyre disa vjeçare duke njollosur emrin tim. Ditë më të mira po vijnë për Shkodrën dhe banorët e saj”, shkruan Pjetri në postimin e tij.

Loading...
Loading...