Armina flet për fëmijët e Shkëlzenit dhe planet për tu bërë nënë
Transmetuar më 13-08-2019, 08:04

Armina Mevlani ka treguar për herë të parë se në të ardhmen e sheh veten me fëmijë.

Në një intervistë për “Pushime on Top”, Armina tregoi se dëshiron të ketë shumë fëmijë pasi ajo vetë është rritur pa motër e vëlla.

“Absolutisht që e kam menduar të bëhem nënë. Unë në fakt jam e lumtur që Zeni i ka dy fëmijë të cilët i dua jashtë mase. E di që fëmija im nuk do jetë i vetëm, si unë, pa motër dhe vëlla. Fëmija im do ketë shumë motra dhe vëllezër. Mua më pëlqen shumë familja e madhe. Unë dua të kem fëmijë dhe Zeni nuk më ka bërë asnjëherë presion. Por dua të jem gati sepse jemi të dy të zënë në udhëtime.

Unë jam 28 vjeç dhe shoqet e mia kanë mentalitet tjetër dhe nuk mendojnë se duhet të bëhet fëmija patjetër. Unë dua të bëj fëmijë kur t’i dedikohem tamam, të kem kohë për fëmijën tim, jo të ma rrisin njerëz të tjerë”, u shpreh Armina.

Ajo shton se është shumë posesive kur vjen puna te familja dhe njerëzit e afërt dhe se dëshiron që t’i jepet 100%.

Po ashtu tha se, “Fëmija mund të vijë pas martesës”.

Loading...
Loading...