Transmetuar më 19-08-2019, 23:55

Ramush Haradinaj, në emisionin Pressing të T7 e ka përshkruar si përvojë të keqe bashkëpunimin me PDK-në në qeverisje.

Haradinaj thotë se nuk e ka njoftuar kreun e PDK-së, Kadri Veselin, për dorëheqje pasi ai nuk i ka lënë hapësirë për të diskutuar për tema të ndjeshme.

“Çka të paralajmërojë një njeri që në Washington ka thënë se Haradinaj po flet me Amerikën si me Serbinë. Nuk më la hapësirë që të flas për tema të tilla”, ka thënë Haradinaj.

Haradinaj ka thënë më tej se thotë se PDK e ka penguar për temat më të rëndësishme kombëtare dhe se më asnjëherë nuk do të bashkëpunojë me partinë e Veselit.

“Me PDK-në kurrë më”, ka thënë kreu i AAK-së, i cili ka dhënë dorëheqje një muaj më parë pasi ka marrë ftesë për intervistim pranë Dhomave të Specializuara në Hagë.