Në një lidhje direkte për emisionin ‘Opinion’ kryetarja e Lëvizjes Socialiste për Integrim ka akuzuar ministrinë e Financave për mungesë transparence duke u shprehur se shumë shpejt administrate shtetërore do të mbetet pa rroga.

‘Të mos harrojmë kolapsin ekonomik që do tu ndodhi shumë shpejt, ku do të ngelen shqiptarët pa rroga dhe pensionistët pa pensione. Kjo është akoma më e rëndë, që fshehja e transparencës në Ministrinë e Financës për thesarin është një krim tjetër", ka thënë Kryemadhi.

Kryetarja e LSI-së ka këmbëngulur duke thënë se ky nuk është panik.

"Po po pa rroga do ngelen, nuk është panik ky. Le të ma dërgojë policinë tani mua siç ia dërgoi Çim Pekës për panik. Këtë le ta tregojë edhe njëherë, të zbardhë faqen Ministria e Financave, që e ka të detyruar me ligj për të treguar gjendjen e saj se si është buxheti i shtetit. Të tregojnë të ardhurat se çfarë ndodh", ka thënë ajo.