Transmetuar më 19-10-2019, 10:04

Një nga dilemat më të mëdha, të cilës i kthehen ekspertët më të mirë të shëndetit në Itali, por edhe në botë. Cila prej tyre duhet konsumuar në mënyrë të moderuar ose duhet hequr fare nga regjimi ushqimor për të shmangur kështu marrjen e kilogramëve të tepërt?

Sheqernat apo yndyrnat? Cila prej këtyre dy lëndëve ushqyese duhet kufizuar në maksimum? Përgjigja nuk është edhe kaq e dukshme, për aq kohë sa komuniteti shkencor i kthehet në mënyrë periodike kësaj teme diskutimi dhe studimi.

Por, në qoftë se deri kohët e fundit kemi qenë të prirur të tregojmë me gisht veçanërisht yndyrën, që konsiderohet jo vetëm e dëmshme për trupin, por në tërësi për organizmin, atëherë është koha të filloni të ndryshoni perspektivën e mendimit: armiku i vërtetë (i pabesë dhe i heshtur) është sheqeri i thjeshtë.

Sa sheqer mund të konsumojmë?

Organizata Botërore e Shëndetësisë thekson se doza e sheqerit që nuk duhet tejkaluar është 25 gramë në ditë, pra rreth 5-6 lugë çaji. Kjo do të thotë se sheqeri nuk duhet të eliminohet plotësisht nga dieta, për të shmangur dëmet në trup, por në formë të moderuar.

Problemi është se ne shpesh përpiqemi ta tejkalojmë pragun e rekomanduar, duke mos llogaritur sheqerin që i shtojmë kafesë, çajit apo sheqerin që marrim nga ëmbëlsirat, karamelet, sheqernat e fshehura në pijet e gazuara, lëngjet e frutave, produktet e konservuara, buka që është gjithmonë e pranishme në tryezat tona, etj.

Sheqeri, armiku i betuar i linjave tuaja

Dhe nëse hani më tepër se norma e lejuar, çfarë ndodh? Sheqeri krijon varësi dhe rrjedhimisht ju nuk ndaloni së konsumuari atë, çka promovon edhe shtimin në peshë.

Kur ju e konsumoni, nuk ndodh një rritje e papritur e nivelit të glukozës në gjak, por kur ju nuk e hani atë për disa orë, sistemi trupit bie ndjeshëm dhe ky ritëm shkakton dëshirë gjithnjë e më të madhe për të gëlltitur ushqime të ëmbla. Sheqeri i tepërt ndërhyn në funksionet e leptimit, hormon përgjegjës për komunikimin e ndjesisë së ngopjes. Në këtë mënyrë nuk jemi më në gjendje të kuptojmë kur nuk jemi më të uritur dhe mbi të gjitha kur duhet të ndalemi.

Dhe yndyrnat?

Fjala, në këtë rast, është pak më ndryshe. Shumë gra mendojnë se të eliminuarit e yndyrës nga dieta mund të çojë në linja dhe trup perfekt. Shumëkush ka tendencën të zgjedh të ashtuquajturat produkte të lehta, të cilat premtojnë një shmangie të yndyrnave në favor të të ngrënit shëndetshëm. Pra, për të trajtuar veten më së miri konsumoni një kos klasik në vend të diçkaje të mbushur me yndyrë, që vetëm dëmton organizmin dhe linjat tuaja trupore!