Transmetuar më 20-10-2019, 09:29

Iris Luarasi është pedagoge e gazetarisë, në UT, ku kanë studiuar edhe shumë nga vajzat e njohura të ekranit.

Ajo ishte një ndër të ftuarat e kësaj puntate në “Shiko Kush LUAN”, ku ka zbuluar një fakt interesant lidhur me disa nga ish-studentët e saj, që tashmë janë emra mjaft të njohur për publikun.

Sfida “Ndaje ose Haje” ka qenë ajo që ka shtyrë Irisin të japë disa përgjigje. Pyetur se cili personazh i njohur, dikur ish-student i Luarasit, ka mbetur në klasë, pedagogia dhe njëkohësisht një nga zërat më të fuqishëm kundër dhunës në familje dhe mbrojtjes së të drejtave të njeriut ka dhënë plot katër emra.

“Në fakt do ju them katër emra të cilët tani i kam shumë miq por në kohën kur ishin studentë kanë mbetur në klasë. Janë: Arbana Osmani, Jonida Shehu, Erl Murati dhe Artan Hasani”, tha Luarasi.

Por edhe pse kanë ngelur në klasë nga ana e saj, të katërt personazhet janë pjesë e gazetarisë dhe televizionit, Arbana Osmani dhe Jonida Shehu janë moderatore dhe figura të njohura të ekranit, ndërsa dy gazetarët e tjerë, kanë pasur një karrierë goxha të lakmueshme. /NOA.al