Trupat amerikane u tërhoqën nga baza e tyre më e madhe në veri të Sirisë.
Sekretari amerikan i Mbrojtjes Mark Esper është shprehur se të gjitha forcat amerikane që u larguan nga Siria do të vendosen në Irakun perëndimor dhe do të vazhdojnë të kryejnë operacione anti-terroriste kundër Shtetit Islamik në rajon.
Shefi i Pentagonit nuk ka përjashtuar mundësinë e sulmeve amerikane kundër terrorizmit nga Iraku në Siri. Por ai tha se planet do të zhvilloheshin me kalimin e kohës dhe përfshijnë diskutime me aleatët në një takim të NATO-s në ditët e ardhshme.
Esper tha se nëse forcat amerikane kthehen në Siri ato do të mbrohen nga avionët luftarakë amerikanë.
Shtetet e Bashkuara aktualisht kanë rreth 5000 trupa në Irak sipas një marrëveshjeje midis Bagdadit dhe Uashingtonit. /NOA.al