Kryeministri Edi Rama ka ironizuar edhe këtë mëngjes deklaratën e djeshme të kryedemokratit Lulzim Basha, i cili bëri përgjegjës kreun e qeverisë për refuzimin e çeljes së negociatave.
Ai ka vënë përballë dy fotografi dhe dy deklarata të Presidentit të Komisionit Europian Jean Claude Juncker dhe atë të Lulzim Bashës, teksa e shoqëron me mbishkrimin “Pa koment”.
“Refuzimi i Shqipërisë dhe Maqedonisë së Veriut është një "gabim historik”. Ne duam të respektohemi, të mbajmë premtimet”, citohen fjalët e Juncker.
Ndërkohë si fjalë të ‘Lulit’, citohen: “Vendimi për të mos hapur negociatat, është dështim i qeverisë shqiptare”.
Edhe një ditë më parë Rama të njëjtat fjalë të kreut të opozitës i ka vendosur përballë deklaratës së Presidentit të Këshillit të Europës Donald Tusk: “Nuk pati unanimitet për negociatat! Nuk është faji i Shqipërisë dhe Maqedonisë së Veriut”./b.l/noa.al/