Transmetuar më 22-10-2019, 14:00

Për çfarë lloj pastruesi ke nevojë? Përgjigjja është gjithmonë ‘varet’! Në këtë sezon, pastrimi i make up-it, por në të njëjtën kohë edhe pastrimi i thellë i lëkurës ka nevojë për sheqer.

Larg të gjitha produkteve kozmetike, kjo mënyrë e thjeshtë me sheqer do të të ndihmojë në mbrëmje për të pasur një fytyrë më të pastër dhe më të freskët në mëngjes. Kështu, lëre mënjanë sapunin dhe bëj një xhiro në kuzhinë.

Sheqeri është mënyra më e thjeshtë për të pastruar lëkurën, por edhe për t’i dhënë asaj shkëlqim. Nëse përdor sheqer të imët, atëherë nuk duhet të shqetësohesh se do ta gërryesh shumë lëkurën.

Kombinoje sheqerin me pak ujë nëse ke fytyrë të yndyrshme dhe më disa pika vaj ulliri nëse ke fytyrë të thatë. Ose, nëse mundesh, edhe disa pika vaj kokosi. Ky i fundit ndihmon edhe në hidratimin e lëkurës.

Nëse ke lëkurë të yndyrshme, përdor bashkë me sheqerin aloe vera apo çdo lloj vaji tjetër esencial. Bëj një masazh të butë dhe pastaj shpëlaje me ujë të rrjedhshëm (nëse të pëlqen, edhe trupit mund t’i bësh një masazh të tillë.)/b.l/noa.al/