Lindi parakohe dhe me probleme serioze shëndetësore për shkak të varësisë nga droga e nënës, ajo duhej të qëndronte në spital me muaj, por askush nuk u shqetësua ta bënte një vizitë.

Kur fati i vogëlushes dukej sikur i kishte destinuar një ekzistencë të trishtuar mes familjeve dhe vizitave në spitalin e vetmuar në rrugën e saj, megjithatë, ajo gjeti një infermiere nga i njëjti spital e cila, me gjithë forcën e saj, vendosi ta rritë atë fëmijë dhe më në fund e adoptoi.

Është historia e Gisele të vogël dhe infermieres amerikane Liz Smith e cila, pas më shumë se një viti e gjysmë të kujdestarisë, është bërë edhe ligjërisht nëna e vajzës së vogël.

Takimi i tyre i parë në spitalin e Fëmijëve Françeskan në Brighton, Massachusetts, ishte pothuajse dashuri në shikim të parë. Kur gruaja pa për herë të parë foshnjën, ajo menjëherë ra në dashuri me të.

Atëherë kur ajo zbuloi nga kolegët e saj se ishte braktisur nga nëna për shkak të problemeve të kësaj të fundit me drogën dhe se asnjë i afërm nuk interesohej për të, ajo vendosi që mbase kishte ardhur koha për të realizuar atë ëndërr të bëhej nënë të cilën jeta ia kishte mohuar deri atëherë.

Shërbimet sociale e kishin marrë Gisele kur ishte 3 muaj duke e transferuar atë në spitalin pediatrik sepse ajo kishte nevojë për kujdes të specializuar, por që prej asaj kohe dhe për pesë muaj askush nuk e kishte vizituar.

"Që nga momenti kur e takova, kuptova se kishte diçka në sytë e saj të mahnitshëm blu që më tërhoqën vëmendjen dhe ndjeva se duhej të kujdesesha për të," zbuloi gruaja. Që atëherë ajo e ka vizituar atë çdo ditë në departamentin e saj deri në kohën kur mori kujdestarinë nga gjykatësi.

Për më shumë se një vit e gjysmë shërbimet sociale në fund u përpoqën të ndiqnin nënën dhe babanë e fëmijës me qëllim që të rivendosnin fëmijën në familje por kur u zbulua se ata ende kishin probleme me drogën, fëmija u shpall i adoptueshëm, kështu që , pasi ndanë për një kohë të gjatë shtëpinë dhe të dashurit, të dyja tani ndajnë edhe mbiemrin./b.l/noa.al/