Gazetari i programit “Le liene” Taulant Kopliku në një lidhje direkte për emisionin Tempora në RTV Ora u shpreh se babai i Alvinit nuk ka pasur kontakt nga qeveria shqiptare.

Kopliku u shpreh këtë mbrëmje se ka pasur kontakte nga disa parlamentarë shqiptarë edhe nga qeveria italiane ndërkohë, "nga ajo shqiptarja nuk kemi patur asnjë informacion".

"Unë nuk kam asnjë informacion nga qeveria shqiptare, as unë as kolegët e mi, nuk kemi patur kontakt nga qeveria. Kemi patur kontekte nga shumë faktor, sot kemi patur edhe disa kontakte nga disa parlamentarë shqiptarë edhe nga qeveria italiane ka pasur lëvizje, telefonata dhe interesim ndërkohë që nga ajo shqiptarja nuk kemi patur asnjë informacion.

Meqë do të isha sonte në darkë në emision kam kontaktuar me babain e fëmijës me afrimin ku kam patur dhe një bisedë të gjatë me të, dhe gajtë bisedës e pyeta nëse ka patur kontakt nga qeveria shqiptare më është përgjigjur negativisht", tha Kopliku.