Transmetuar më 07-11-2019, 12:25
Moti i keq ka shkaktuar një sërë dëmesh në zona të ndryshme të vendit. Sipas raportimeve nga vetë Operatori i Shpërndarjes së Energjisë Elektrike (OSHEE) dëme janë regjistruar në Tiranë dhe Shkodër.
Dëmtimet kanë qenë kryesisht në linjat e nivelit TM/TU, kryesisht në zonat rurale.
Për shkak të motit me reshje të dendura dhe me erë të fortë janë rrëzuar shtylla të tensionit të mesëm, pjesë e fiderit 143 i nënstacionit të Valiasit.
Avari është shfaqur gjithashtu në zonën Brukës-Rinas.
Grupet e avarisë, Njësia 3 në Shkodër ndodhen në terren për të rikuperuar linjat e prekura dhe normalizimin e situatës.
Ndërkohë ndërhyrjet vijojnë në të gjitha zonat, ndonëse moti i keq vijon me reshje dhe furtunë.