Episodi i racizmit në Alexandria, Itali. Një vajzë afrikane që ishte në një autobus me nënën dhe vëllain e vogël u ndalua të ulej nga një grua 60-vjeçare. Fakti u raportua në Facebook nga këshilltarja bashkiake Vittoria Oneto, e cila tregoi se çfarë ndodhi mbrëmë në një autobus në qytetin Piemonte, para syve të saj.

"Alabama 1955? Jo, Alessandria 2019", fillon shpërthimi i gruas në rrjetin social kundër diskriminimit që pëson fëmija për ngjyrën e lëkurës së saj.

"Një vajzë 7-vjeçare përpiqet të ulet në një vend afër një zonje 60-vjeçare. Zonja shikon vajzën e vogël dhe thotë: Jo ju nuk mund të uleni këtu! Unë i them gruas të lëvizë çantën dhe të ulet vajza, por ajo insiston dhe me arrogancë më thotë të shoh punën time. "Shumë keq, ju gjetët personin e gabuar.

Nëna e vogëlushes nuk thotë asgjë dhe shikon në tokë. Në atë pikë unë e ngri zërin tim gjithnjë e më shumë për ta bërë fëmijën të ulet menjëherë dhe të turpërojë gruan me veprimin e saj. Zonja në atë pikë e lejon atë të ulet por vazhdon të mërmërisë dhe duket e neveritur nga fëmija”.

Këshilltarja bashkiake përfundimisht përfundoi shpërthimin e saj duke thënë se kishte qarë. "Kam ikur nga autobusi dhe kam qarë. Për nervozizëm, për trishtimin për ndjenjën e humbjes që ndjeva dhe ndjej. Sikur këto ditë të mos ishin tashmë të dhimbshme. A është kjo që jemi? A është kjo çfarë jemi? Çfarë duam të jemi? Nuk dua ta besoj”.

Ky postim është ndarë qindra herë dhe ka ndezur debat. Shumë komente mbështesin Oneto, ndërsa të tjerët e kanë sulmuar atë./b.l/noa.al/