Rreziqet që s’i dini nga ekspozimi i organeve gjenitale në diell
Transmetuar më 10-12-2019, 12:02

Trendi i famshëm që po qarkullon së fundmi janë rrezet në zonën e vogël ku dielli nuk ndriçon.

Bëhet fjalë për rrezet e diellit në organet gjenitale, për të cilën femrat dhe meshkujt zhvishen totalisht dhe mbajnë këmbët në një pozicion të caktuar.

Disa dermatologë po punojnë për të mësuar përfitimet që sjell një veprim i tillë, për të cilin femrat kalojnë 30 sekonda deri në 5 minuta duke ekspozuar perinumin ndaj diellit, e cila është zona mes anusit dhe skrotumit tek meshkujt ose vulva tek femrat.

Këtë e provoi dhe aktori Josh Brolin, e cili me anë të një postimi në Instagram tregoi rezultatet për ndjekësit.

"Provova rrezet e diellit ndaj perinumit për të cilin kisha dëgjuar shpesh dhe sugjerimin im është të mos e bëni për aq gjatë sa unë. Zona ime intime është djegur shumë dhe unë do kaloja ditën duke bërë pazar me familjen, por jam duke vënë akull dhe duke përdorur kremra kundër djegies për shkak të dhimbjeve. Unë nuk e di kush dreqin e krijoi këtë budallallik, por megjithatë ‘Ik pirdhu’. Seriozisht", shkruajti ai.

Dermatologu Jeremy Fenton tha se nuk është e habitshme që aktori u dogj pasi perinumi është zonë shumë e ndjeshme ndaj rrezeve të diellit.

"Kjo zonë është e ndjeshme për dy arsye. E para, është një pjesë që nuk ka marrë shumë ekspozim ndaj diellit tek shumica e njerëzve, kështu që nuk përgjigjet normalisht ndaj trupit që e mbron nga djegia e diellit. E dyta është se është lëkurë e ndjeshme, kështu që çdo djegie mund të jetë shumë e pakëndshme", tha ai.

Rreziku më i madh që vjen nga ekspozimi i perinumit ndaj diellit është kanceri i lëkurës. "Ekzistojnë disa prova që sugjerojnë se organet gjenitale mund të jenë më të ndjeshme ndaj kancerit të lëkurës sesa zonat e tjera të trupit. Për shembull, kur bëjmë terapi të plotë të dritës së trupit për të trajtuar kushte të caktuara të lëkurës, ne rekomandojmë që të mbulohen organet gjenitale për këtë arsye. Një kancer i lëkurës që zhvillohet në këtë zonë mund të jetë më i vështirë për tu zbuluar sepse njerëzit nuk e shohin lehtësisht këtë zonë," thotë dermatologu Fenton për Yahoo Lifestyle.

"Nuk ka përfitime nga të cilat unë jam i vetëdijshëm nga literatura mjekësore që lidhet me drejtimin specifik të kësaj zone të trupit. Ekziston ndonjë mënyrë për të marrë vitaminë D, të cilën mund ta prodhoni përmes ekspozimit në diell, por nuk ka prova që kjo zonë është më efikase në prodhimin e saj sesa zonat e tjera", shtoi ai./a.m/noa.al/

Loading...
Loading...