Kjo ka qene festa e ekipit, pas fitores së mbrëmjes, festë që ka vazhduar edhe me tifozët pas ndeshjes.
Pas 6 vitesh, është koha që edhe Tirana të festojë.
Në një atmosferë festive, ku të pranishëm ishin mbi 20 mijë tifozë bardheblutë, nën drejtimin e trajnerit Emanuel Egbo, ia dolën të gëzonin tifozët që nuk shijonin një fitore ndaj rivalit të tyre historik prej vitit 2014.
Mbyllet me rezultatin 1-2 ndeshja midis Partizanit dhe Tiranës e cila u luajt mbrëmjen e sotme në stadiumin kombëtar.
Ndonëse me një trajner provizor në stol, bardfheblutë para mijëra tifozëve ia kanë dalë të rikthehen tek fitorja e shumëpritur.
Ndeshja nisi mjaft vrullshëm për bardheblutë. Partizani kaloi në minutën e 8-të me anë të Idriz Bathës, por Bardhi barazoi rezultatin vetëm 3 minutave lojë.
Goli i fitores për Tiranën u shënua nga Kobinah në minutën e fundit.
Kjo ishte fitorja e parë e Tiranës kundër Partizanit që prej shkurtit të 2014-tës.
Pas javës së 15-të pavarësisht humbjes, Partizani ndodhet në vendin e parë.
Por me këtë fitore Tirana është ngjitur në kuotën e 22 pikëve, duke u pozicionuar në vendin e pestë.
Partizani-Tirana 1-2
Shënues: 11’ Bardhi / 8’ Batha, 90’ Kobina
Partizani: Hoxha, Bitri, Boldor, Belica, Idrizaj (67′ Braun), Trashi, Romero, Hyseni (76′ Hakaj), Kordeiro, Bardhi, Solomon (46′ Çinari). Trajner: F. Lerda
Tirana: Lika, Vangjeli, Muça, Hoxhallari, Doka, Çelhaka, Batha, Halili (67′ Muçi), Kobina, Torasa (90’+3′ Imami)’, Ngoo. Trajner: E. Egbo
Kartonë të verdhë: Bitri, Romero, Trashi, Hyseni, Kordeiro / Vangjeli, Ngoo, Kobina, Çelhaka
Karton i Kuq: Kobina (‘90)
Gjyqtar: Enea Jorgji