Turqi/ Tërmeti i fuqishëm merr jetën e katër personave
Transmetuar më 24-01-2020, 20:31

Si pasojë e tërmetit me magnitudë 6.8 në Turqi, kanë humbur jetën katër persona.

Këtë e konfirmoi Ministri i Brendshëm turk, Suleyman Soylu në një deklaratë ku tha: "Në informacionet e para që kemi marrë, raportohet një i vdekur në Doğanyol, dy të plagosur dhe dy të vdekur në Malatya, si dhe dy të vdekur në Elazig. Katër viktimat humbën jetën prej tërmetit."

Soylu shtoi se janë raportuar 5 ndërtesa të shkatërruara deri tani.

Lëkundjet e fuqishme ishin me epiqendër në Elazig por u ndjenë në shumë qytete përreth.

Ndërkohë, ekipet e emergjencës janë në terren ku po japin ndihmën e parë për të gjithë personat që mund të jenë lënduar.

Gjatë ditëve të fundit, Turqia është lëkundur shpesh nga tërmetet, por ky ishte më i forti.

Loading...
Loading...